You are here

Trening ,,Značaj ugovaranja alternativnog rješavanja sporova – arbitraže“

17/07/2014

U Privrednoj komori Crne Gore je 17. jula održan trening za sudije, advokate i pravnike na temu: Značaj ugovaranja alternativnog rješavanja sporova – arbitraže“. Arbitraža je kao alternativni način rješavanja sporova prihvaćena u gotovo svim zemljama svijeta i njena se primjena sve više širi. U zadnje vrijeme prepoznaje se značaj arbitraže i sve više privrednih subjekata odlučuje da svoje sporove umjesto redovnom sudu povjeri arbitraži.

Arbitraža je, inače, tijelo nedržavnog karaktera sastavljeno od jedne ili više osoba o čijem su se izboru stranke sporazumjele da meritorno odluči o njihovom sporu. Arbitražna odluka ima snagu pravosnažne presude. Arbitraža pomaže da se spor riješi pravedno i pravično, uz uzimanje u obzir profesionalnih običaja i odgovarajućih pravila ponašanja.